Experimenta

Ola científicas e científicos!

A casa vaise a converter nun pequeno laboratorio. Imos experimentar como profesionais e a familia vainos a apoiar (non facer por nós, nin "chivar" 😏).
Pasos:
  1. Preparar o material
  2. Ler as instrucións
  3.  Facer unha hipótese (imaxinar o que sucederá antes de comezar)
  4. Escribir nun papel a hipótese
  5. Levar a cabo o experimento
  6. Comprobar se a hipótese foi certa ou non
  7. Rexistrar os resultados cun debuxo
Tinta máxica

Queres crear mensaxes secretos? Atende ben a este experimento.

Material:
  • Pincel ou  bastoncillo de algodón 
  • Papel branco
  •  Limón 
  • Auga

Preparación:

1.   Espreme o zume de limón nun cunco e engade unha cullerada de auga.

2.   Mestura e, cun bastoncillo ou pincel, escribe a túa mensaxe no papel.

3.   Deixa secar.

4.   Pon unha vela debaixo (sen poñer o papel demasiado preto).

Que pasará?

RESULTADO: O zume de limón oxídase e ponse de cor marrón cando se quenta, por iso podes ler a mensaxe.
 

Aínda nada?
Material: 2 botes transparentes, algodón, sementes (lentella, garavanzo, faba), auga.
Preparación: Poñer en cada bote algunhas sementes, envólveas co algodón
    bote 1: mantén a humidade diaria no algodón (non o enchoupes) 
    bote 2: non lle poñas auga 

Podes elaborar unha táboa cos días da semana e anotar o que pasa?

LUNS 
MARTES
MÉRCORES
XOVES
VENRES
SÁBADO
DOMINGO
QUE PASOU?
Nota ás familias: co calendario aprendemos sobre orientación temporal, axuda ás nenas e nenos a organizarse e dálles seguridade.
  •  que día da semana é hoxe? onte? mañá? 
  • que día ven despois do xoves? antes?
  • que día do mes é hoxe? onte? mañá? 
  • que día ven despois do 21? antes?


RESULTADO: xerminaron as sementes que tiveron auga e luz. As que non tiñan non lles pasou nada.


O CD e a auga

Material: CD, recipiente con auga, lanterna

Preparación: encher o recipiente con auga, mergullar o CD no recipiente, iluminar o CD cunha lanterna.

Que sucederá?
RESULTADO: Fórmase o arco da vella.  🌈
 O ovo e a auga
Material: 2 vasos, auga, culler, sal, 2 ovos
Preparación:  1º vaso: verter auga dentro
                    2º vaso: verter auga dentro, engadir  2 culleres sopeiras de sal e remover. 
  • Meter un ovo en cada vaso e… que pasará?
 
RESULTADO: O ovo afúndese no vaso nº 1 e flota no vaso nº 2 por causa do sal.