Ademáis de facer felices ás nosas barrigas, poderemos levar a cabo moitas aprendizaxes sensoriais, loxico-matemáticas, científicas, motrices, hixiénicas, artísticas... e trataremos de promover unha alimentación saudable ainda que si cae algún antollo... 😋
Tentarase que progresivamente os e as cativas vaian manexando o material de cociña con coidado pero favorecendo a súa autonomía.
Ao igual que no resto de apartados, a lectoescritura será espontánea, non copiada.
Xeados de froitas
1. Elixe as froitas que che gusten e lícuaas2. Se queres podes engadir anacos de froitas coma na foto
3. Envorca no molde para polos as froitas e o zume
4. Méteo no conxelador
Mamma mia la pizza
Ingredientes para facer a masa:
- 400 gramos de fariña de trigo
- 200 ml de auga morna
- 2 culleres de aceite de oliva
- 15 gramos de fermento fresco
- 1 chisco de sal
Preparación:
- Nun recipiente mesturamos o aceite, a auga e o fermento
- Engadimos a fariña e o chisco de sal.
- Unha vez mesturado no recipiente pasámolo ao mesado para amasar.
- Poñemos fariña no mesado para que non se pegue.
- Amasamos 3 ou 4 minutos sen parar. A masa debe quedar lisa totalmente.
- Deixámola repousar durante 1 hora.
- Unha vez repousada partímola en dúas e podemos facer dúas pizzas
- Estiramos a masa.
- Poñemos os ingredientes que máis nos gusten
- Ao forno!
Xogamos:- Que forma ten a pizza?
- Cal é o medio da pizza?
- Podes cortala á metade? cantos pedazos hai?
- Podes cortala en cuartos? cantos pedazos hai agora?
- Se a cortas en máis pedazos que forma teñen? cantos pedazos ten a túa pizza?
- Que ingredientes puxeches? cantos son?
- Teñen algunha forma que coñezas?
Merendas divertidas
Crea a tua merenda divertida e saudable. Algúns compañeiros e compañeiras xa comezaron!
Receita de ovo
Despois de contos e experimentos con ovos… xa estás preparada/o para facer unha receita empregándoos.
Elixe a que ti queiras, cociña, acórdate de enviarme unha foto e escribila nun papel para compartila 🖉
Macedonia de froitas.
Familias: leredes a receita en voz alta, apoiaredes e prestaredes axuda. Non é facerllo vos 😏
Preparación: elexir 3 froitas, coitelo, unha táboa para cortar, un recipiente, culler/garfo e servilleta. Papel e lápis.
1. Elixe 3 froitas (se queres máis tamén podes).
2. Corta unha froita en 10 pedazos, a outra en 8 e a que che queda en 6.4. Poñer a froita no recipiente
5. A comer!
Xogamos:
De que cor son?
Cantos pedazos tes en total?
De que froita tes máis? De cal menos?
Se comes 8 cantos che quedan?
Cal che parece máis seca? Cal ten máis auga?
📍Escribe nun papel a receita coas cantidades.
